दाङ ९ अश्विन । देउखुरी उपत्यकामा रहेका धार्मीक  संस्कृतीक ऐतीहासीक प्राकृतीक पुरातात्विक एवं पर्यटकीय स्थलहरुको फोटो प्रदर्षनी आज देखी लमही दाङमा शुरु हुँदै छ । च्यानल देउखुरीको सभाहलमा हुने प्रदर्षनीमा ४० वटा त्यस्ता फोटो राखीने भएको छ । देउखुरी संम्पदा अध्यन केन्द्रले राखेको फोटो प्रदर्षनी ३ दिन सम्म चल्ने आयोजकले जनाएको छ । बिबिध कारणले ओझेलमा परेका संम्पदाहरुको प्रचार प्रशार गरी पर्यटकीय बिकासमा टेवा पुर् याउने उदेस्यले फोटो प्रदर्षनी राखीएको आयोजकले बताएका छन ।

रोल्पा ९ अश्विन । विरेन्द्र माध्यमिक विद्यालय गैरीगाउँमा गठन भएको इको क्लवको आयोजनामा आज गाङमा जलबायु परिवर्तन र यसको असर विषयक वक्तृत्वकला प्रतियोगिता सम्पन्न भएको छ । जिविको पार्जनको लागि वन कार्यक्रमको जलवायु अनुकुलन कोष अन्तगत रुडास नेपाल मार्फत क्लव गठन भएको हो । प्रतियोगितामा ओम प्रकाश बुढा प्रथम राज कुमार बुढा द्वितीय विवेक केसी तृतीय र शुलिला बुढा सान्त्वना हुनुभएको छ । विद्यालयका प्रधानाध्यापक बल बहादुर घर्तिबाट विजयीहरुलाई पुरस्कृत गरिएको थियो । प्रतियोगितामा विजयहरुलाई पुरस्कारको व्यवस्था जयवायु परिवर्तन अनुकुलन कोष मार्फत रुडास नेपालले गरेको थियो । क्लवका अध्यक्ष नविना घर्तिको सभापतित्वमा सम्पन्न प्रतियोगिताको सन्च्ाालन सचिव हिमाल केसीले गर्नुभएको थियो । विद्यालयका शिक्षक शिक्षिकाहरुको विषेश उपस्थितिमा प्रतियोगिता सम्पन्न भएको हो ।

नारायण खड्का, दाङ ९ अश्विन । मध्य र सुदुर पश्चिमका यातायात मजदुर संगठनहरुले गरेको चक्काजामका कारण आज बिहानै बाट दाङ सहितका जिल्लाहरुमा यातायातका साधन ठप्प छन । यातायातका साधन संचालनमा नआउँदा सँधै ब्यस्त रहने पुर्ब पस्चिम राजमार्ग र दाङका अन्य सडक खण्ड सुनसान बनेका छन । यातायातका साधन ठप्प हुँदा यात्रु गनतब्यमा जान पाएका छैनन । सुर्खेतमा वस चालक वकील बुढाथोकीलाई कुटपिट पछि जीउदै भेरी नदिमा फालि हत्या गरेको बिरोधमा उनिहरुले आज र भोली दुई दिने चक्काजामको आह्वान गरेका हुन । तर उनिहरुले निजी मोटर साइकल भने निर्बाध रुपमा संचालनमा आउन दिने बताएका छन ।  भदौ २७ गते सुर्खेतको राकम गाउँ विकास समितिमा ना ३ ख ६६५१ नम्बरका बसले किचेर ३ वर्षिया इन्दिरा विसीको ज्यान गएपछि चालक ओकिल बुढाथोकिलाई स्थानियबासीले नदिमा बगाई हत्या गर्दा सम्म पनि परिवारजनलाई उचित क्षती पुर्ती र दोषिलाई कारार्बाही नगरेको भन्दै यातायात मजदुरहरुले आज र भोली मध्य तथा सुदुर पस्चिममा चक्काजामको घोषणा गरेका छन । मजदुर संगठनले चालक बुढाथोकीलाइ सहिद घोषना र उनका बालबालीकालाइ उच्च शिक्षा पढ्नकालागी ज्ञारेन्टि हुनुपर्ने माग पनी गरेका छन ।

अखिल नेपाल यातायात मजदुर संघका केन्द्रिय सदस्य ईश्वरी प्रसाद पाण्डेनेपाल यातायात स्वतन्त्र मजदुर संगठनका केन्द्रिय सदस्य खगेन्द्र बहादुर वली र राप्ती अाचल सवारी मजदुर समितीका कार्यालय सचिब शेर सिह डाङ्गीेले संयुक्त बिज्ञप्ती जारि गरि दुई दिने चक्का जाम सफल पारि सहयोग गरि दिन सबैलाई आग्रह गर्नु भएको छ ।

रोल्पा ९ अश्विन । कुरेलीमा निर्माण हुन लागेको हाइखोला लघु जलविद्युत परियोजनाको जग्गा पास यसै महिनाभित्र गरिने भएको छ । सो लघु जलविद्युत परियोजना सन्चालनका लागि पहिलो कार्यसमितिको आज बसेको बैठकले जग्गा धनीबाट परियोजनाका लागि यसै महिनाभित्र पास गर्ने निर्णय गरेको हो । समितिका अध्यक्ष बम बहादुर पुनको अध्यक्षतामा बसेको बैठकले कार्य समूहको विधान समेत पारित गरेको छ । जिल्ला विकास समिति रोल्पा र जिल्ला उर्जा तथा बातारण शाखाको प्राविधिक सहयोगमा विकास सरोकार समाज डिकोस रोल्पाको समुदाय परिचालनमा सन्चालित ग्रामीण उर्जा विकास कार्यक्रम अन्तरगत कुरेली ३ हामइखोलबाट २५ किलोवाटको विद्युत निकालिने भएको छ । बैठकमा ग्रामीणउर्जा विकास कार्यक्रमकी समुदाय परिचालिकका लक्ष्मी नेपाली र उच्च पहाडि गरिवी निवारणका कुरेली गाविस सामाजिक  परिचालक मदन कुमार रोकाले सहजिकरण गर्नुभएको थियो । बैठकमा कुरेली ३ ५ ६ ७ र ८का कार्यसमिति सदस्य लगायत २५ जना सहभागि रहेको कुरेलीबाट पहलमान डाँगीले जनाएका छन् । बैठकमा मदन कुमार रोकाले हाइम खोला लघु जलविद्युत कार्य समूहको विधान प्रस्तुत गर्नुभएको थियो ।

रोल्पा ९ अश्विन । पाखापानीको मावि सिमखोलामा आज प्रावि स्तरीय हिज्जे प्रतियोगिता र मावि स्तरीय वतृत्वकला प्रतियोगिता सम्पन्न भएको छ । विद्यालय व्यस्थापन समितिका सदस्य टोपबहादुर डाँगीको प्रमुख आतित्थ्यता र विद्यालयका प्रधानाध्यापक रेशममनी डाँगीको सभापतित्वमा कार्यक्रम सम्पन्न भएको हो । प्रावि स्तरीय हिज्जे प्रतियोगितामा भानु सदन प्रथम सिता सदन द्वितीय बुद्ध सदन तृतीय र जनक सदन सान्त्वना भएका छन् । त्यस्तै जनसंख्या व्यवस्थापन आजको आवश्यकता विषयक मावि स्तरीय वतृत्वकला अशेाक वली प्रथम संगीता वली द्वितीय विमला वली तृतीय र राजेन्द्र केसी सान्त्वना हुनुभएको छ । विद्यालयका शिक्षक भरत चन्द र कमल प्रकाश हमाले स्वागत मन्तव्य दिनुभएको थियो भने कार्यक्रमको सन्चालन दुर्गा प्रसाद वलीले गर्नुभएको थियो ।

सल्यान ८ अश्विन । सल्यानको खलंगामा नमुना सामुदायिक अस्पताल स्थापनाको लागि साचालित श्रीमदभागवत बृहत ज्ञान महायज्ञ आज सम्पन्न भएको छ । सो महाएज्ञमा २१ लाख बढि रुपैँया संकलन भएको छ । सामुदायिक सेवा केन्द्र सल्यानले जिल्लाको सदरमुकाम खलंगामा नमुना सामुदायिक अस्पताल साचालनमा ल्याउन भदौ ३१ गतेदेखि ७ गते सम्म महायज्ञ साचालन गरेको थियो । आर्चाय पण्डीत वालकृष्ण अर्यालको सहभागिता रहेकॊ महायज्ञमा २१ लाख ६ हजार ६ सय २८ रुपैया संकलन भएको केन्द्रले जनाएको छ । एक हजार २८ जनाले दान गरेको महायज्ञमा २९ जनाले तुलादान ८ जनाले जग्गा दान र २ जनाले सुन दान गरेका थिए । सल्यान जिल्लामा अहिले सम्म पनि स्वास्थ्य सम्वन्धि सामान्य समस्याका कारण पनि विरामीहरु जिल्लावाहिर जानुपर्ने तथा अकालमै ज्यान गुमाउनुपर्ने तितो यथार्थ रहेकोले जिल्लामा नमुना अस्पताल संचालन गर्न महायज्ञ संचालन गरिएको सेवा केन्द्रले जनाएको छ ।

दाङ ८ अश्विन । गैरन्यायीक हत्या सम्बन्धमा सम्बोधन गर्न नेपाल सरकार असफल भएको संयुक्त राष्ट्रसंघले जनाएको छ ।  नेपालस्थित मानवअधिकार उच्चायुक्तको कार्यालय (ओ एच सी एच आर) ले सन् २००८ जनवरीदेखि सन् २०१० सम्म भएका ‘गैरन्यायीक हत्याका आरोपहरु’ शीर्षकको प्रतिवेदन सार्बजनिक गर्दै यस्तो ठहर गरेको हो । गैरन्यायीक हत्या र मानवअधिकार उल्लंघनलगायतका घटना छानबिन गरी दोषीलाई कारबाही गर्न सरकार असफल भएको प्रतिवेदनको निष्कर्ष छ ।

ओ एच सी एच आरले दुई वर्षको अवधिमा तराईमा भएका गैरन्यायीक हत्यामा सुरक्षा फौजले अत्यधिक बल प्रयोग गरेको जनाएको छ । सो अवधिमा सुरक्षाफौजले तराईका विभिन्न जिल्लामा ५७ जनाको हत्या गरेको प्रतिवेदनमा जनाइएको छ । यस्तै अधिकांश घटनामा पूर्ण तथा निष्पक्ष अनुसन्धान वा फौजदारी कारबाही नगरिएको जनाउँदै ओ एच सी एच आर ले अन्तरिम संविधान र मानवअधिकारको अन्तराष्ट्रिय मान्यता अनुसरण गर्न नेपाल सरकारलाई सुझाव दिएको छ । प्रतिवेदनमा सुरक्षाफौजको संलग्नता रहेको घटनामा निष्पक्ष छानबिनका लागि प्रहरी उजुरी आयोग वा सोही प्रकृतिको स्वतन्त्र संयन्त्र गठन गर्न सरकारलाई आग्रह गरिएको छ ।

दाङ ८ अश्विन । कृषि  बिकास बैंक सुपरीबेक्षण तथा निरीक्षण कार्यालय घोराहीका शाखा अधिकृत सहित दुईजना कर्मचारीमाथि शुक्रबार दिउंसो कार्यालयभित्रै छुरी प्रहार भएको छ । शाखा अधिकत जयबहादुर क्षेत्री र कार्यालय सहायक अर्जुन बुढाथोकीलाई कार्यालयका भूतपूर्व सुरक्षा गार्ड लालबहादुर कैलाले कार्यकक्षमै गएर छुरा प्रहार गरेका हुन् । क्षेत्रीको कञ्चट र बुढाथोकीको गालामा गहिरो चोट लागेको छ । कैलाले दुई जनालाई छुरा हानेपछि आफूमाथि पनि छुरा प्रहार गरेका छन् । अहिले तीनै जनाको राप्ती उपक्षेत्रिय अस्पताल घोराहीमा उपचार भैरहेको छ । बैंकमा अराजक गतिबिधि गरेको भन्दै कैला डेढ बर्षअघि कार्वाहीमा परेका थिए । घोराही १० ढोडेनी निवासी ५३ वर्षीय कैलाले अहिले फेरी जागिर चाहियो भन्दै कर्मचारीमाथि आक्रमण गरेको बैंकले जनाएको छ । कार्यालय समयभित्रै बैंकमा छुरा प्रहार भएपछि अहिले कार्यालयका सम्पूर्ण कर्मचारी आतंकित भएका छन् ।

काठमाडौं ३१ भाद्र । सल्यानमा पहिलो पटक दुईवटा लाइयन्स क्लवको उद्घाटन भएको छ । सल्यानको श्रीनगरमा २०-२० सदस्यीय लाईन्सक्लव अफ श्रीनगर र दमाचौरको आज उद्घाटन भएको हो । कार्यक्रमका प्रमुख अतिथि प्रमुख जिल्ला अधिकारी नारायणप्रसाद आचार्य तथा विशिष्ट अतिथि लाईन्स क्लवका डिष्ट्रिक डाईरेक्टर गभर्नर राजन लम्सालले क्लवको उद्घाटन गर्नुभएको हो । उद्घाटन कार्यक्रममा बोल्दै विशिष्ट अतिथि लम्सालले क्लब सामाजिक कार्यमा निस्वार्थ अग्रसर हुने भएकोले सबैको सहयोगको आबश्यक रहेको बताउनु भयो । कार्यक्रममा बोल्दै प्रमुख जिल्ला अधिकारी नाराण प्रशाद आचार्य ले क्लब लाई प्रगतिको शुभकामना दिदै आफ्नो ठाँउ बाट आबश्यक पर्ने सहयोग दिन आफु तत्पर रहेको बताउनु भयो । कार्यक्रममा प्रहरि नायब उपरिक्षक राजेन्द्र भट्ट  राजकुमार श्रेष्ठ  महेन्द्रनाथ श्रेष्ठ  क्लबका पूर्व अध्यक्ष विनोद कुमार श्रेष्ठ  स्वगद्धारी क्लबका अध्यक्ष धुब गौतम दमाचौर क्लबका अध्यक्ष कृष्ण बहादुर बस्नेत श्रीनगर क्लबका अध्यक्ष डम्बर वली लगाएतले मन्तब्य ब्यक्त गर्नु भएको थियो ।

काठमाडौं ३१ भाद्र । उच्च माध्यमिक शिक्षा परिषद् अन्तर्गत मानविकी व्यवस्थापन र शिक्षा शास्त्र संकायको कक्षा १२ को परीक्षाफल आज प्रकाशित भएको छ । परिषद्को परीक्षाफल परिषद्को वेभसाइट तथा धधध।भमगअबतष्यलकबलकबच।अयु मा पनि हेर्न सकिने परिषद्का प्रवक्ता नारायणप्रसाद कोइरालाले जानकारी दिनुभयो । ती वेभसाइटहरुमा केहीबेरमा परीक्षाफल हेर्न सकिने पनि परिषद्ले जनाएको छ । विज्ञान संकायको परीक्षाफल भने यसअघि नै प्रकाशित भइसकेको छ ।

आदिम के.सी. (दाङ ३१ भाद्र) । लक्ष्मीपुर गाबिसको गोग्ली भैसकुर्मा सडक खण्ड बिग्रीएपछि सवारी साधनहरुलाई आवात जावात गर्न गाह्रो भएको छ । पानीले सडकमा खाल्डा र चिप्लो वनाएको र त्यसको मर्मत सम्हारको अभावका कारण सवारी साधनहरुलाई आवात जावात गर्न गाह्रो भएको हो । सडक विग्रीएकाले हिजो त्यस सडक खण्डमा रा १ ख ३१४ नम्वरको वस दुर्घटना समेत भएको छ । दुर्घटनावाट मानविय क्षति नभए पनि गाडीको झ्यालको सिसा फुटेका छन् । त्यस सडक खण्डको मर्मतका लागी सरोकारवालाले ध्यान दिनुपर्ने स्थानियवासीहरुले गुणासो गरेको तिलक पुनले जानकारी दिनुभएको छ ।

आदिम के.सी. (दाङ ३१ भाद्र) । नेकपा एमालेका पोलिट्ब्युरो सदस्य प्रकाश ज्वालाले एकिकृत नेकपा माओबादिलाई संबिधान निर्माण तथा शान्ति प्रकि्रयालाई टुङगोमा पुर्याउन तर्फ गम्भिर भएर लाग्न आग्रह गर्नु भएको छ । नेकपा एमाले दाङले आज घेाराहिमा आयोजना गरेको पत्रकार सम्मेलनमा बोल्दै उहाले संबिधान निर्माण तथा शान्ति प्रकि्रयालाई निष्कर्षमा पुर्याउन दलहरु जिम्मेबारी ढङगले लाग्नुको बिकल्प नरहेको बताउनु भएको छ । संबिधान निर्माण तथा शान्ति प्रकि्रयालाई निष्कर्षमा पुर्याउने दलहरुको मुख्य जिम्मेबारी भएको भन्दै पोलिट ब्युरो सदस्य ज्वालाले माओबादि लाई शान्ति प्रकि्रया तथा संबिधान निर्माण तर्फ एकाग्र भएर लाग्न आग्रह गर्नु भयो । माओबादिलाई बर्खाको भेल भन्दै उहाले माओबादिलाई आफनो सिद्धान्त बाट बिचलन नहुन समेत आग्रह गर्नु भयो । ज्वालाले नेकपा एमाले अहिले प्रधान मन्त्रि निर्बाचनको बाधक नभएको भन्दैे प्रधान मन्त्रिका उम्मेद्धार नेपालि काङगे्रसका  राम चन्द्र पौडेल र एकिकृत नेकपा मााओबादिका अध्यक्ष पुष्पकमल दाहाल दुबैले प्र्धानमन्त्रिको उम्मेद्धारी र्फिता लिई राष्ट्रिय सहमतिको सरकार निर्माणका लागि अगाडि बढ्नु पर्ने बताउनु भयो ।

एकिकृत नेकपा माओवादिबाट एमालेमा प्रबेश गर्नेहरुलाई स्वागत गर्न आयोजीत पत्रकार सम्मेलनमा एकिकृत माओवादि निकट अखिल नेपाल सुकुम्बासी संघ दाङका अध्यक्ष एवं  माओवादि जिल्ला सचिवालय सदस्य गोबिन्द सेर्पाईली सहितका करिब ५० जना एमालेमा प्रबेश गरेको जानकारि दिइएको थियो । एमाले दाङका अध्यक्ष लक्षमण आचार्यको अध्यक्षता एवं पोलिट ब्यूरो सदस्य प्रकाश ज्वालाको प्रमुख आतिथ्यमा कार्यक्रम सम्पन्न भएको थियो ।

वीरवहादुर मल्ल (रुकुम ३१ भदौ) । रुकुमका केही गाविसहरुमा केही समय देखि यता गाई तथा भैँसीहरु अज्ञात रोग देखा परेको छ । करीब एक साता अघि देखि रुकुमको घेत्मा गाविसमा पालेका भैसीहरुका अज्ञात रोग देखा परेको छ । रोगका कारण बुधवार वडा नं। ८ नरबहादुर मल्लका  २ ओटा भैसी मरीसकेका छन् अन्य वडाहरुमा पनि थुप्रै भैसीहरु अज्ञात रोगबाट प्रभावित भएका छन् । सुरु सुरुमा भैसीहरुले मुखवाट र् याल काढ्ने घाँस पात नखाने तथा दिसा पिसाव नगर्ने जस्ता लक्षण देखा परेका छन् । अहिलेसम्म कहिकतैवाट रोग नियन्त्रणमा सम्वन्धित निकायले चासो नदिएको स्थानियवासी खडक विकले जानकारी दिनुभयो ।

दाङ २६ भदौ । सबै हिन्दू धर्मावलम्बी दाजुभाई आफ्ना दिदीबहिनीलाई माइती बोलाएर तीजको दर खुवाइरहेका थिए । तर, दाङको तुल्सीपुरमा भाइले दिदीको हत्या गरेका छन् । तुल्सीपुरको डाडाखुटी शिवपुर टोल निवासी ४५ वर्षीय चिरबिर सुनारले आफ्नै दिदी सुमित्रा बिकको घाँटी थिचेर हत्या गरेका हुन् । अत्यधिक मदिरा सेवन गरेर सुनारले गएराती माइत आएकी दिदी विकको घाँटी थिचि हत्या गरेको प्रहरीले जनाएको छ। हत्याका आरोपी सुनारलाई प्रहरीले आफ्नो नियन्त्रणमा लिएको छ।

सामाजिक सञ्जालको लोकप्रिय साइट फेसबुकमा आवद्ध हुने नेपाली झण्डै ६ लाख पुगेका छन्। फेसबुकका प्रयोगकर्ता गणना गर्ने साइट फेसबेकर्सका अनुसार, आइतबारसम्म नेपाली प्रयोगकर्ता ५ लाख ८७ हजार पुगेका छन्। यो मध्य पुरुष तीनलाख ९९ हजार नौसय र महिला एकलाख ८० हजार सातसय ४० छन्। इन्टरनेटको पहुँच भएका ९० प्रतिशतभन्दा बढी नेपाली फेसबुकमा छन्। सबैभन्दा बढी ४६ प्रतिशत १८ देखि २४ वर्ष उमेर समूहका छन्। २५ देखि ३४ वर्ष उमेर समूहका फेसबुक प्रयोगकर्ता नेपाली २७ प्रतिशत छन्। फेसबुक प्रयोगकर्ता नेपालीमध्य ३५ देखि ४४ वर्ष समूहका ७ प्रतिशत छन् भने १६ देखि १७ वर्ष समूहका नौ प्रतिशत छन्। ६५ वर्षभन्दा माथि उमेर भएका फेसबुक प्रयोग गर्ने नेपाली एक प्रतिशत छन्। 'फेसबुकको जुन खालले प्रयोगकर्ता बढी रहेका छन्, त्यसले गर्दा साइबर सुरक्षामा निकै ठूलो चुनौति थपिएका छन्,'-प्रमाणिकरण नियन्त्रक राजनराज पन्तले भने। फेसबुक जस्ता सामाजिक सञ्जालबाट सम्बन्ध बढाएर चाँडै विश्वासमा पारेर ह्याकिङ गर्ने समस्या बढ्दै गएको छ । प्रमाणिकरण नियन्त्रक कार्यालयले आयोजना गरेको मासिक 'मिडिया टेक' कार्यक्रममा पन्तले जोकसैलाई छिट्टै विश्वास गरेर इमेल, डेबिट र क्रेडिट कार्डको बारेमा जानकारी अरुलाई नदिन सुझाव दिए। फेसबुक, ट्विटर, हाइफाइभ जस्ता साइटबाट मित्रता गाँसेर चाँडै विश्वासमा लिन प्रयास हुन्छ। त्यसपछि विभिन्न सूचना मागेर इमेल, क्रेडिट कार्ड, एटिएम कार्ड ह्याकिङ गर्ने प्रवृत्ति धेरै देशमा सुरु भएको छ। ' यस्ता प्रवृत्तिबाट अर्काको सूचना लिएर दुःख दिन सजिलो भएको छ,' पन्तले भने । यस्तो ह्याकिङबाट जोगिन अरु मानिसको छिट्टै विश्वासमा परेर सूचनाहरु नदिने, पासवर्डहरु हरेक ६/६ महिनामा फेरिरहनुपर्ने सुझाव सूचना प्रविधिको क्षेत्रमा कार्यरत विज्ञहरुको छ।

रोल्पा, ६ भदौ : रोल्पा जिल्लामा क्रियाशील आदिवासी जनजाति पत्रकारहरूको भेलाले 'नेपाल आदिवासी जनजाति पत्रकार सङ्घ (अनिज) रोल्पा जिल्ला शाखा' गठन गरेको छ । आइतबार सदरमुकाम लिबाङमा भएको भेलाले मौसम रोका मगरको अध्यक्षतामा ९ सदस्यीय जिल्ला शाखा गठन गरेको हो । नवगठित समितिको उपाध्यक्षमा हर्क र्घर्ती मगर, सचिवमा अमरजीत पुन मगर, सह-सचिवमा खेमराज थापा मगर र कोषाध्यक्षमा देवी गुरुङ र्सवसहमतिले चयन भएका छन् । मनिषा श्रेष्ठ, स्मृति रोका मगर, विनोद श्रेष्ठ र शान्ति रोका मगर समितिको सदस्यमा चुनिएका छन् । अनिजका केन्द्रीय सदस्य मनोज र्घर्ती मगर र नेपाल पत्रकार महासङ्घ रोल्पा शाखाका अध्यक्ष खेम बुढा मगरको विशेष उपस्थितिमा भेला सम्पन्न भएको हो । भेलाले खेम बुढा मगर, गङ्गामुक्ति पुन मगर, हिराबहादुर र्घर्ती मगर र डिबी र्घर्ती मगरलाई शाखाको सल्लाहकारमा चयन गरेको छ । नवनिर्वाचित कार्यसमितिलाई बधाई तथा शुभकामना दिंदै अनिजका केन्द्रीय सदस्य र्घर्ती मगर र महासङ्घका शाखा अध्यक्ष बुढा मगरले समाचार सम्प्रेषण गर्दा आदिवासी जनजातिहरूको अधिकारलाई जोड दिन आग्रह गरेका थिए । यसैबीच नवनिर्वाचित कार्यसमितिका अध्यक्ष मौसम रोका मगरले वक्तव्य जारी गरी पत्रकारिता क्षेत्रमाआदिवासी जनजातिहरूको सक्रिय सहभागितालाई प्रभावकारी बनाउन अनिजको रोल्पा जिल्ला शाखाको महत्वपूर्ण भूमिका खेल्ने बताएका छन् ।

खेमराज गाउँले  रेडियो रोल्पा पुस २०  
                   रोल्पाका ह्वामा गाविस वडा नं ६ लाटाबाङमा एक घर एक चर्पीको अभियान थालिने भएको छ । रुडास नेपालको सामाजिक परिचालनमा सन्चालन भइरहेको उपाप कार्यक्रमद्वारा गठित गाउँका २ वटा सामुदायिक संस्थाका आज बसेको आम भेलाले यस्तो निर्णय गरेको हो । गाउमा गठन भएका लालि गुरास सामुदायिक संस्था समुहुकु र लाटाबाङ सामुदायिक संस्थाको आम भेला आज बसेको हो । अभियान सम्पन्न गर्नको लागि कुनै पिन संघ संस्थाको सहयोग रहेको छैन । सामुदायिक संस्थाको पहलमा कसैको सहयोग विना नै गाउँलेहरुले आफ्नै लगानीमा अभियान थाल्न लागिएको लाली सामुदायिक संस्थाुकुका सुनसरा बुढाले बताउनुभयो । अभियान यही माघ ५ गतेदेखि सन्चालन गरिने भएको उपाप कार्यक्रमका कार्यक्रम संयोजक केशव स्थापित घर्तिमगरले बताउनुभयो । जिल्ला विकास समिति स्थानिय विकास कोषको आर्थिक सहयोगमा सन्चालित रुडास नॆपालको सामाजिक परिचालनमा सन्चालन भइरहेको उपाप कार्यक्रमद्वारा ती सामुदायिक संस्थाहरु गठन भएका हुन ।

खेमराज गाउँले रोल्पा पुस १५
        ललित साहित्य परिषद् रोल्पाले रोल्पाको लिबाङमा गर्दै आएको सडक साहित्य अभियानलाई निरन्तरता दिने भएको छ । परिषदको बुधबार लिबाङमा बसेको बैठकले यस्तो निर्णय गरेको हो । सडक साहित्य अभियान जिल्लामा रहेको मध्यपश्चिमााचल गजल प्रतिष्ठान रोल्पा शाखा र राप्ती साहित्य परिषद जिल्ला संयोजन समिति रोल्पाको संयोजनमा गरिने भएको छ । सो सडक साहित्य अभियान हरेक महिनाको अन्तिम शनिबार आयोजना गरिने भएको छ । केही महिनाअघिदेखि यो कार्यक्रम रोकिएको थियो । परिषदका अध्यक्ष कृष्ण डिसि निर्जनको अध्यक्षतामा बैठक बसेको हो । त्यस्तै बैठकमा यही माघेसक्रान्तिको अवसर पारेर परिषदले सन्चालन गर्न लागेको उपहार कार्यक्रमको बारेमा समेत छलफल भएको थियो ।

खेमराज गाउँले रोल्पा पुस १० 
       रोल्पामा पहिलोपटक लोक सेवा सम्बन्धि तयारी कक्षा शुक्रबारदेखि रोल्पाको लिबाङमा सुरु भएको छ । जिटिजेड आर इ आर इ को सहयोगमा र मानवअधिकार सचेतन केन्द्र हुरेक रोल्पाको आयोजनामा शुक्रबारदेखि सुरु भएको सो तालिम १५ दिनसम्म चल्ने छ । तालिममा ८० जना महिलाहरुको सहभागिता रहेको आयोजक संस्थाले जनाएको छ । २ समुहमा तालिम दिइएको छ । उक्त तालिमपछि लोक सेवा आयोगको पहुचबाट निकै टाढा रहेका रोल्पाली महिलाहरुको पनि पहुच विस्तार हुने आयोजक सस्थाको अपेक्षा रहेको छ ।

रामकुमार बुढामगर

काठमाडौँ, पुस ८ । एकीकृत नेकपा (माओवादी) ले लामोसमयदेखि अवरुद्ध गर्दै आएको व्यवस्थापिका–संसदको बैठक आजदेखि सुचारु भएको छ । बुधबार विहान बसेको एमाओवादी संसदीय दलको बैठकले संसद सुचारु गर्नदिने जनाएपछि बसेको संसदको बैठकले नेपाली काँग्रेसका नेता दुर्गादत्त जोशीको शोक प्रस्ताव पारित गरी भोलिसम्मको लागि स्थगित गरेको छ । यसैगरी एमाओवादीले नागरिक सर्वोच्चता र प्रधानसेनापति प्रकरणमा राष्ट्रपतिद्वारा चालिएको कदमको विरोध गर्दै संसद अवरोध गर्दै आएको थियो । विसं २०६६ साउन २३ गतेदेखि संसद अवरुद्ध हुँदै आएपनि सरकारद्वारा प्रस्तुत आर्थिक वर्ष २०६६/६७को बजेट पारित गराउनका लागि एमाओवादीले मङ्िसर ३ गतेदेखि तीन दिनका लागि सञ्चालन गर्न दिएको थियो । नागरिक सर्वोच्चता र प्रधानसेनापति प्रकरणमा राष्ट्रपतिद्वारा चालिएको कदमको विरोधमा माओवादीको धारणालाई संसदमा रेकर्ड गराउने अभिप्रायले नै संसद चल्न दिन लागेको माओवादी सूत्रबाट थाहा भएको  छ ।

४ पुस, काठमाण्डौ । आमहड्तालको पूर्वसन्ध्यामा एकीकृत नेकपा माओवादीले राजधानी लगायत देशभरको मुख्य शहरहरुमा शनिबार सांझ मसाल जुलुस प्रदर्शन गरेको छ । नागरिक सर्वोच्चताको माग राख्दै तेस्रो चरणको आन्दोलनमा रहेको माओवादीले भोलिदेखि ३ दिन सम्म गर्ने आमहडताललाई सफल पार्नका लागि देशभर मसाल जुलुस प्रदर्शन गरेको जनाएको छ ।माओवादीले राजधानीको रत्नपार्क लगायत देशका मुख्य शहरहरुमा मसाल जुलुस प्रदर्शन गरेको छ । प्रधानसेनापति प्रकरणमा राष्ट्रपतिले चालेको कदम सच्चिनुपर्ने, नागरिक सर्वोच्चता स्थापना हुनुपर्ने, आफ्नो नेतृत्वमा राष्ट्रिय सरकार गठन हुनुपर्ने लगायतका माग राख्दै चरणबद्ध आन्दोलन गर्दै आईरहेको छ ।

३० मंसिर, नेपालगंज । रुकुमकी पत्रकार टिका बिष्टमाथि भएको आक्रमणबारे स्थलगत अध्ययन गर्न नेपाल पत्रकार महासंघको मिसन टोली आज रुकुम पुगेको छ । महासंघका कोषाध्यक्ष रमेश बिष्टको संयोजकत्वमा रहेको मिसनमा केन्द्रीय सदस्य जनक नेपाल र दाङ अध्यक्ष प्रताप रेग्मी सदस्य छन् । मिसनले घाइते पत्रकार बिष्टका परिवार, स्थानीय सन्चारकर्मी, जिल्लास्थित राजनीतिक दलका नेताहरु, प्रहरी र प्रशासनका अधिकारीहरुलाई भेट्ने केन्द्रीय सदस्य जनक नेपालले बताउनुभयो । यसैबिच नेपाल पत्रकार महासंघको आब्हानमा घटनाको बिरोधमा आज देशभरका पत्रकारहरुले हातमा कालो पट्टी बाँधेर कार्यक्षेत्रमा काम गरिरहेका छन ।

           ८ मंसिर, काठमाडौं । चालू आर्थिक वर्षको विनियोजन विधेयकमाथि छलफल गर्न व्यवस्थापिका सदनको बैठक आज बस्दैछ । बैठक विहान ११ बजेपछि संविधानसभा भबन नयाँबानेश्वरमा बस्नेछ । एकीकृत नेकपा माओवादीले बजेट पास गर्न आजदेखि लगातार तीन दिनसम्म सदनको अबरोध खोल्ने निर्णय गरेपछि बैठक बस्न लागेको हो । विनियोजन बिधेयक अन्तर्गत छलफल हुन बाँकी १६ मन्त्रालयका लागि विनियोजित रकमबारे आज छलफल हुनेछ । आज छलफल सकिएपछि भोली संवन्धित मन्त्रालयका मन्त्रीहरुले सभासदले उठाएका प्रश्नको जवाफ दिएपछि बजेट पारित गरिनेछ । सरकारद्वारा बर्खास्त तत्कालीन प्रधानसेनापतिलाई थमौति गर्ने राष्ट्रपतिको कदम असंवैधानिक भएकोले त्यसमाथि सदनमा छलफल गर्न माग गर्दै एकीकृत नेकपा माओवादीले गत साउन २३ गतदेखि लगातार सदन अबरुद्ध गर्दै आएको थियो । बजेट पारित नहुँदा आर्थिक संकट निम्तने भएकाले जिम्मेवार दलको हैसियतले माओवादीले बजेट पारित गर्न दिने निर्णय गरेको थियो ।

                       ७ मंसिर, काठमाडौं । माओवादी अबरोधका कारण लामो समयदेखि अबरुद्ध व्यवस्थापिका सदनको बैठक आजबाट सुचारु हुँदैछ । सिंहदरबारमा जारी माओवादी संविधानसभा दलको बैठकले आजैबाट सदनको गतिरोध अन्त्य गर्ने निर्णय गर्ने स्रोतले जनाएको छ । एकीकृत नेकपा माओवादी केन्द्रीय समितिको बैठकले बजेट पारित गर्नका लागि तीन दिनसम्म सदन चल्न दिने शनिवार निर्णय गरेको थियो ।

                       लामो समयदेखि अबरुद्ध व्यवस्थापिका सदनको बैठक आज अपरान्ह ४ बजे बोलाइएको छ । कार्यसूची तय नभए पनि आजको बैठकमा विनियोजित बिधेयकमाथि छलफल हुने बताइएको छ । आजै बस्ने कार्यव्यवस्था समितिको बैठकले सदनमा छलफल हुने विषयबस्तुको कार्यसूची तय गर्नेछ । राष्ट्रपतिले सेनापति प्रकरणमा चालेको असंवैधानिक कदममाथि सदनमा छलफल गर्न माग गर्दै माओवादी सभासदहरुको अबरोधको कारण व्यवस्थापिका सदनको बैठक साउन २३ गते यता नियमित कार्यसूचीमा प्रवेश गर्न सकेको छैन । आर्थिक वर्ष २०६६/६७ को बजेट माओवादी अबरोधका कारण पारित हुन नसक्दा आर्थिक संकट निम्तिएको छ ।

                चितवन, मंसिर ६  नेपाली कांग्रेसका कार्यवाहक सभापति शुशिल कोइरालाले राष्ट्रपतिले प्रधानसेनापतिको विषयमा चालेको कदम संवैधानिक भएको दाबी गरेका छन्। चितवनको नारायणगढमा शनिबार नेपाली कांग्रेस भरतपुर नगरसमितिको नगरस्तरीय कार्यकर्ता भेला तथा वृद्धवृद्धा सम्मान कार्यक्रममा वोल्दै उनले माओवादीले नै संविधान टेकेर काम गरेको आरोप लगाए। सोही कार्यक्रममा नेपाली कांग्रेसका उपसभापति प्रकासमान सिंहले माओवादीको आन्दोलनवाट वर्तमान सरकार नढल्ने बताए। उनले माओवादीको आन्दोलनले सरकार हत्याउने दाउ मात्र भएको बताउदै उनले भने डरधम्कीले सरकार ढल्दैन। उनले माओवादीले नैतिकहीन कार्य अंगाल्दै आएकाको बताए। सहमतीमा आउन माओवादीका लागि सदैव ढोका खुल्ला रहेका उनले बताए।

                २५ असोज काठमाडौं । अनमिनले अयोग्य र उमेर नपुगेको भनी प्रमाणित गरेका माओवादी लडाकुहरुको पुर्नस्थापन आजबाट सुरु हुँदैछ । शान्ति तथा पूननिर्माण मन्त्री रकम चेम्जोड्डले सरकारले आज देखि पुनरस्र्थापना सुरु गर्ने जानकारी दिनुभएको हो । मन्त्री चेम्जोड्डले पुर्नस्थापना कार्यको प्रारम्भिक चरणको कामको रुपमा आज देखि सुरु हुने बताउनुभएको हो । यसकार्यका लागि आफुले नेपाल स्थित अनमिनका प्रमुख क्यारिन लेनग्रेन यूएनडीपीका प्रतिनिधि रोबर्ट पाइपर लगायतका पदाधिकारी आग्रह गरेको उहाँले जानकारी दिनुभयो । सरकारले अयोग्य र उमेर नपुगेको भनी अनमिनले प्रमाणित गरेका ४ हजार ८ जनालाई शिविरबाट बाहिर ल्याएर पुनस्र्थापना केन्द्रमा राखिने बताउँदै आएको छ ।

            काठमाडौ, असोज२२ । चार दिनदेखिको लगातारको बर्षापछि आएको बाढीर पहिरोमा परेरज्यान गुमाउनेहरुको संख्या५३ पुगेको छ । बुधबार साँझसम्ममा सबैभन्दा बढी अक्षाममा २४, डडेलधुरामा १२, बझाङमा ७, कैलालीमा ५, दाङमा २, डोटीमा २, बैतडीमा १ गरी ५३ पुगेको हो भने अझै दर्जनौ  वेपत्ता छन् । मृत्युहुनेहरुमा कलैलालीमा बाढीलेबगाउँदा ५ को मृत्यु भएकोहो भने डडेलधुरा, बझाङ र बैतडीमापहिरोले पुरेर निधनभएको हो । पश्चिम नेपालकाप्राय सबै जसो क्षेत्रमा सम्पूर्ण यातायातका सेवा अवरुद्धै छन् भने मनाङर लमजुङसँगको सम्पर्कनै विच्छेद भएकोछ ।यसैबीच डुबानर बाढीको समस्याका कारण पीडित कैलालीका बासिन्दाहरुलाई नेपाल रेडक्रससोसाइटीमार्फत चिउरा, चाउचाउ, चिनी आदिको राहतसामग्री वितरण कार्यसुरु गरिएको छ। जिल्ला दैवीप्रकोप उद्धार समितिका अध्यक्षएवम् प्रमुख जिल्लाअधिकारी हरीकृष्ण पौडेलकोअध्यक्षतामा आज बसेकोबैठकको निर्णयबमोजिम बाढीर डुबानबाट पीडितपरिवारको उद्धार कार्यकालागि नेपाली सेनाकोनेतृत्वमा टोलीसमेत परिचालनगरिएको छ। नेपालीसेनाको नेतृत्वको तीन छुट्टाछुट्टै टोलीलेबाढी र डुबानबाट प्रभावित नारायणपुर, धनसिंपुर, टीकापुर, थापापुर, लालबोझी, भजनी, खैलाड, हसुलिया, पवेरा, रतनपुर, बसौटी, उद्धार कार्य सुरुगरेको छ। यसैगरीबाढी र डुबानबाट प्रभावित धनगढी र आसपासका क्षेत्रका पीडित बासिन्दाको उद्धारका लागि नेपाल प्रहरीको नेतृत्वमा उद्धार टोलीगठन गरी तत्कालकार्यान्वयन गर्ने निर्णयसमेत दैवीप्रकोप उद्धारसमितिको बैठकले गरेकोछ। उद्धार टोलीहरुमा नेपाली सेनाका अलावानेपाल प्रहरी, सशस्त्रप्रहरी, जनमुक्ति सेना, रेडक्रस कार्यकर्ता र स्थानीय युवाहरुको समेत संलग्नता रहेकोछ। बैठकले राहतव्यवस्थापन एवम् उद्धारआदि कार्यको अनुगमनगर्न प्रमुख जिल्लाअधिकारीको अध्यक्षतामा जिल्लास्तरीय अनुगमन समितिसमेत गठन गरेको छ। बैठकले बाढीर डुबान प्रभावित परिवारलाई राहत सामग्रीउपलब्ध गराइदिन सेभ द चिल्ड्रेन, वर्ल्डभिजन, मर्सिकोर लुथरनविश्व सर्भिस, डिएफआइडीलगायतका संस्थालाई अनुरोध गर्ने निर्णयगरेको छ।

           रेडक्रसकैलाली शाखाकाअनुसार बाढी र डुबानबाट प्रभावित हसुलिया गाविस मोहनपुरगाउँका ८१ परिवार, शिवरतनपुर गाउँका ७४ परिवार, पबेरागाविस विसनपुर गाउँका३६ परिवार, रतनपुरगाविसको घुइँयाफाटा गाउँका४६ परिवारलाई सुरक्षित स्थानमा राखिएको छ। जिल्लाको सबैभन्दा होचोक्षेत्रमा रहेको लालबोझीगाविस बाढी र डुबानबाट सबैभन्दा बढी प्रभावित भए पनि त्यहाँपुगेको क्षतिको विषयमाएकिन जानकारी प्राप्तहुन सकेको छैन।बाढी र डुबानकाकारण जिल्लामा झन्डैदस हजार घरपरिवार प्रभावित र पीडितभएको प्रारम्भिक अनुमानगरिएको छ भने जिल्लाको ठूलोक्षेत्रफलमा गरिएको धानबालीनष्ट भएको छ। अन्नबाली, धान भित्र्याउने समयमा भएको बाढीर डुबानको समस्याका कारण जिल्लामा यस वर्ष धान उत्पादन गत वर्षको तुलनामा२५ प्रतिशतले ह्रासआउने कषकहरुको अनुमानछ। बाढी र डुबानबाट पुगेकोक्षतिको थप एकीनविवरण आउन अझै बाँकी रहेकोछ।

           ३ असोज, काठमाडौं । सत्तासाझेदार प्रमुख दल नेपाली कांग्रेसले एमाले नेतृत्वको सरकारलाई नयाँ संविधान नबनेसम्म सघाउने भएको छ । शनिबार प्रधानमन्त्री माधवकुमार नेपाललाई बालुवाटारमा भेटेर कांग्रेस कार्यवाहक सभापति सुशिल कोइराला नेतृत्वको टोलीले नयाँ संविधानपछि हुने आम निर्वाचनसम्म एमाले नेतृत्वको सरकारलाई समर्थन हुने जनाएको छ । संबिधान निर्माण तथा शान्ति प्रकृयालाई निष्कर्षमा नपुर्‍याएसम्म बर्तमान सरकारलाई पूर्ण सहयोग जारी रहने भन्दै केन्द्रीय समितिले गरेको निर्णयबारे कांग्रेस नेताहरुले प्रधानमन्त्रीलाई अवगत गराएको प्रधानमन्त्रीका प्रेश सल्लाहकार रघुजी पन्तले जानकारी दिनुभयो । छलफलमा माओवादीले जारी राखेको आन्दोलनका बारेमा पनि नेताहरुबीच छलफल भएको थियो । भेटमा कांग्रेस नेताहरुले आन्दोलन छाडेर सहमतिमा नआएसम्म माओवादीविरुद्ध साझा रुपमा लड्नुपर्ने भनाई राखेका थिए ।  बैठकमा पछिल्लो राजनीतिक घटनाक्रम, माओवादी आन्दोलन तथा महँगीका बिषयमा कुराकानी भएको नेताहरुले बताएका छन् । आफूहरुका मागका सम्बन्धमा उचित सुनुवाई नभए तिहारपछि जनविद्रोह गर्ने माओवादी चेतावनी लगतै सत्तारुढ दुई दलवीच आज छलफल भएको हो । बैठकपछि प्रधानमन्त्रीका राजनीतिक सल्लहाकार पन्तले विरोधका नाममा कालो झण्डा देखाउन सवैलाई स्वतन्त्रता भएपनि प्रधानान्त्री र मन्त्रीहरुमाथिभइरहेको ढुङ्गा प्रहारका घटनाहरु निन्दनीय भएको बताउनुभयो । दुई दलको बैठकले माओवादी अध्यक्ष प्रचण्डले माग सम्बोधन नभए जनविद्रोहमा उत्रन कार्यकर्तालाई दिनु भएको निर्देशनप्रति समेत आपत्ति जनाएको छ । यस्ता अभिव्यक्तिहरु संविधान निर्माण र शान्ति प्रकृयालाई निष्कर्षमा पुर्‍याउन नदिने किसिमले आएको ठहर बैठकले गरेको छ । कांग्रेस महामन्त्री बिमलेन्द्र निधिले माओवादीले गाँउ गाँउमा फैलाइरहेको आंतक रोक्न सरकारको ध्यानाकर्षण गराएको बताउनुभयो । उहाँले कर्णाली भोकमरीमा जनता मारमा परेको भन्दै तत्काल खाध्यान्न पुर्‍याएर जनतालाई राहत दिन सरकारसँग कांग्रेसले माग गरेको बताउनुभयो ।

खेमराज गाउँले/भदौ ३१ (रोल्पा)      

        दाङको भालुबाङदेखि रोल्पाको लिबाङ आउदै गरेको जलजला यातायातको ना ३ ख १९०४ नम्बरको दिवा बस लिबाङको भदौरमा मंगलबार दुर्घटना हुँदा २२ जना यात्रुहरु घाइते भएका छन । घाइतेहरु मध्ये ७ को अवस्था गम्भीर रहेको छ । वसमा २६ यात्रु सवार रहेको जिल्ला प्रहरी कार्याल रोल्पाले जनाएको छ । दुर्घटनामा गम्भीर घाइते हुनेहरुमा काले विक बडाचौर तुल्सी विक लम्ही मिना रोका हार्जङ भोटे परियार हार्जङ नितु मल्ल तेबाङ-१ओबे महरा तेबाङलक्ष्मी विक नुवागाउँ जुना महरा मिझिङ मनिका विष्ट मिझिङ जनक विष्ट दाखाकवाडी प्यूठान बहादुर रॊकामगर हार्जङ कवि कुँवर करेटी ज्ञानु आचार्य लिबाङ कलि रोका बडाचौर तिर्थराम कुँवर करेटी सुनमती विक बडाचौर तारा विष्ट बडाचौरलक्ष्मी विक नुवागाउँ र रहेका छन् ।  घाइते मध्ये लक्ष्मी पुनमगर र जुक्ता पुनमगरको सनाखत हुन नसकेको जिल्ला प्रहरी कार्यालय रोल्पाले जनाएको छ । दुर्घटनामा परी बस चालक पदम जिसी गम्भीर घाइते भएका छन् । सदरमुकाम लिबाङबाट करिब २ किलोमिटर टाढा बस दुर्घटनामा परेको थियो ।

      घाइतेहरुको शुरुमा सातदोबाटो स्थित नेपाली सेना र नेपाल प्रहरीले उद्धार गरेका थिए । घाइतेहरुको हाल सदरमुकाम लिबाङ स्थित जिल्ला अस्पताल रेउघामा उपचार भइरहेको प्रहरीले जनाएको छ । जिल्ला अस्पतालका अनुसार वस चालक जिसीको अवस्था गम्भीर रहेको छ । चालकको लापरबाहीका कारण वस दुर्घटना भएको हो । बस सजिलो ठाउँमा दुर्घटना थियो । दुर्घटनाग्रस्त बस रुखमा अदिदै पल्टिदै गरेपछि ठूलो मानवीय क्षति हुनबाट जोगिएको छ ।

खेमराज गाउँले/भदौ ३० (रोल्पा)

        संयुक्त राष्ट्रिय जनआन्दोलन समिति नेपालका महासमिति महसचिव तथा एकीकृत नेकपा माओवादी स्थायी समिति सदस्य नेत्र विक्रम चन्द विप्लवले वर्तमान सरकारलाई विघटन गरी अब छिट्टै राष्ट्रिय सरकार गठन गरिने दावी गर्नुभएको छ । क्रान्तिकारी पत्रकार संघ नेपाल रोल्पाले आज विहान रोल्पाको लिबाङमा आयोजना गरेको पत्रकार भेटघाट कार्यक्रममा बोल्दै उहाले यस्तो बताउनुभएको हो ।

          दसैतिहारको बेला राजनितिक काम कमै हुने भएकोले उहाँको दावि थियो दशैको तिहारको विचमा छलफल गछौ र त्यसपछि निकास आउछ । दशै तिहारको विचमा पर्व भएको त्यतिबेला छलफल गर्ने र तिहार पछि संयुक्त सरकार गठन हुने बताउदै विप्लपले भन्नुभयो ुत्यो सरकारको नेतृत्व एकीकृत नेकपा माओबादीले गर्छ । गाउगाउँमा जनसरकार गठन हुदैछ नी भन्ने संचारकर्मीका जिज्ञासामा विप्लपले जनआन्दोलनलाई गाउँगाउसम्म पुर् याउन जनसरकार गठन गर्न लागिएको बताउनुभयो यदि सहभागी हुन्छन भने अन्य दललाई समेत सहभागि बनाएर जनसरकार गठन हुन्छ । सो भेटघाट कार्यक्रममा उहाले आवश्यक परे क्यान्टोनमेन्टमा रहेका जनसेनालाई प्रयोग गरिने बताउदै भन्नुभयो राष्ट नै खतरा हुने अवस्था आएका क्यान्टोनमेन्टका सेनालाई बाहिर ल्याउछौ । उहाले एकीकृत नेकपा माओबादीको अहिलेको आन्दोलन जनआन्दोलन तीन भएको पनि दावी गर्नुभयो ।